اضغط الاسم بالأعلى للحجم الكامل للصورة
شجرة نسب قبائل يام العجمان المره
شجرة نسب قبائل يام العجمان المره
يالله يامخرج من المكرهيه
ياالله يا مخرج من المكرهيه مَدك ومعروفك وفضلك كفاني
يا عالم باسرار(ن) مني خفيه يا واحد(ن) ماله شريك(ن) وثاني
يا راكب(ن) حمرا ضد السريه حراب يام(ن) والوصايف عماني
يا فاطري ذبي طوارف طميه اليا ازبعرت مثل خشم الحصاني
خبي خبيب الذيب في جرهديه لا طالع الزيلان والليل داني
خبي طمية ورياض العذيه وتنحري برزان زين المباني
تنحري لطام خشم السريه فرز الوغا لا جا نهار الوحاني
سلام اخو نوره لزوم عليّه قبل القريب وقبل قاصي وداني
وإليا قضيت اللازم اللي عليّه اللازم اللي ما قضاه الهداني
تذكر المشحون جيران حيّه مسوا حبال اكوارها بالمثاني
الجدي يخلا فوق ورك المطيه بنورحها يبدي سهيل اليماني
نبغي ندور طفلة عسوجيه ريحة نسمها كالزباد العماني
لي صاحبٍ ما نيتي عنه نيه واثره قضى له حاجةٍ ما تناني
تباشروا بي عقب سابع ضحيه وأنا علي أبرك ليالي زماني
أشره على الطيب ويشره عليّه وراه يزوج عشقتي ما تناني
ليته صبر عامين ولا ضحيه ولا تنشد صاحبي ويش جاني
اما قعد راكان في المه ميهوالا يجي يصهل صهيل الحصاني
واشفق على شوف الربوع الدنيه سم الحريب وهيف حيل(ن) اسماني
ربعي هل الناموس واهل الحميه هل سربة(ن) تروي حدود اسناني
في وردهم كم طفحوا من سريه وساع الطعون مقدمين اليماني
حريبنا لا اهدى علينا هديه عندي مجازاته مثل ما جزاني
نسهج محله لين يخلف نويه يصوي كما يصوي مجدع الاذاني
ويصبر على كن الجروح الخفيه وليا برا لو ان عوده بثاني
من القطيف اليا النفوذ محمية محد(ن) يجيها الا خويٍ وعاني
شتات شمل الضد لزم(ن) عليّه فرض(ن) علينا مثل صوم ارمضاني
لا بد من جمعٍ يزرفل كميه وجموعنا تاطا الغبا والبياني
في ساعةٍ كلٍ يهمل خويه لا شاف ضرب مصقلات السناني
والصدق يظهر من حبالٍ رديه والكذب يقطع من حبالٍ متاني
وقول(ن) بليا فعل عيب وخطيه قولي على صدق(ن) وفعل بياني
روحي وأنا راكان زبن الونيه ما ياخذ العقبات كود الهداني
شجرة نسب قبائل يام العجمان المره
 |
شجرة نسب قبائل يام العجمان المره |
ياراكب من عندنا شقران
ياراكب من عندنا شقران سواج مواج بعيد المراحِ
ينشر من القرعا على قد الاذان والعصر تشوف لك خشوم وضاحِ
كز القعود للشيخ من نسل وطبان زيزوم علوى مبعدين المناحي
الذم مايهفى للأجواد ميزان والمدح مايرفع ردي المشاحي
بشر ليا جيته بكبش من الضان ودلال فيهن أشقر البن فاحِ
يمشي وينشد عن منازل فنيسان يبغى بدارى قامة وانبطاحِ
الدار حاميها الولي رافع الشان من حمد ربني سدّنا مايباحِ
الدار نحماها بخيل وفرسان ياهل القنازع دايثين الملاحِ
با الله عليك امسيت يانسل وطبان تصبح عليك من الهواشهم صباحِ
مخيّله تاتيك من صوب نجران مشروبها سم ذبوح ذحاحِ
أول مطرها رشة الخيل باكوان ترمي العشا للطير رفض الجناحِ
خليت عشب الصلب يومي بالرادان تلعب بريضانه هبوب الرياحِ
العذر منك يالصبي يابن درجان حنا فهقنا الكون نبغي الصباحِ
ياما حدينا عند حلوات الألبان وياما كسرنا قفوها من الرماحِ
لا ماركبنا فوق طوعات الأنسان عدونا يبطي وهو ما استراحي
عشنا بحد السيف
ماقال عبدالله بدا ذيك الأرواس بين الدلم وخشوم قصر البجادي
حول الضبيعه من ورا ذيك الأطعاس بين الخشوم النايفه والحمادي
والبارحه ماغضّت العين بنعاس الا على خدي مطرها حشادي
قلبي كما بن يحرق بمحماس عليه صالي لاهب النار زادي
فيا الله ياقايد من النود نسناس يامعتني بارزاق كل العبادي
اللي الى ناموا خليّين الأوناس قمنا ونطلب الهدى والرشادي
انك تبوح الهم عقب التعوماس وتفتح لنا من باب عرشك منادي
وخلاف ذا ياراكب فوق نسناس مقدم شداده نابه للشدادي
رباع قطاع القيافي بالأمراس يطوي بذرعانه بعيد الريادي
يشدي ظليم رايعه صوت رجاس مثلوث دافوه الرماة العوادي
بدل الى جيت الجزيره على الراس بقطاع موجات خفيف السنادي
رز الشراع وهب له ضد الأكواس بيهوم للنجم اليماني قصادي
ملفاك دار اللي لها الرب حراس ديرة مروين السيوف الهنادي
ملفاك شيخ من شيوخٍ على ساس أبوخليفه سقم عين المعادي
حر سنا عينه كما نور مقباس اشقر كبيدي عريض الثنادي
شبر لبانه لابرق الريش نكاس يفرح به القناص حل الهدادي
سور البلد صعب على روس الأنجاس وحظه باخوه مساعده في السدادي
سعد الرفيق اللي به الحيل محتاس مشاهده يجلا هموم الفوادي
ياشيخ عيلات الدهر تقلب الراس ياما جرى في الكون من عصر عادي
فكر وبرّق في معانيك بقياس عسى لسلطانك من الرب هادي
من اللي ضفى حكمه على ذيك الاجناس وسخر بساط الريح له بالركادي
صارت حكاياهم تواريخ وارماس وشي سوى المولى مداه النفادي
يوم الجدا فاللي جدانا من الناس عدالة الميزان بين البوادي
زدنا وعدينا ورى الحق بقياس وعشنا بحد السيف في كل وادي
وكم واحد نرميه والعج غطاس والآخر اللي فوق كبده جدادي
ياطول ماصدنا على عوج الأضراس وصيور من صاد النشاما يصادي
ومارازنا الا نور قصر ابن دواس اللي جنوده مثل وصف الجرادي
ودار جفت ربع عمايمهم الطاس لا حل باطراف الجهامه منادي
والله لو اعطى بها مال عباس فراشي الديباج والشكر زادي
من عقب مجفاها حمى دن الأفراس من عقب ذولا مابها لي قعادي
وصلاة ربي عد ماهب نسناس على شفيع الخلق يوم التنادي
يا ما حلا الفنجال
يا ما حلا الفنجال مع سيحة البال في مجلسن ما فيه نفسه ثقيله
هذا ولد عم وهذا ولد خال وهذا رفيق ما لقينا مثيله
يا ليت رجال يبدل برجال ويا ليت في بدلا الرياجيل حليه
يا بو هلا طير الهوى خبث البال الطير نزر والحبارى قليله
يا الله يا اللي طالبه ما بعد فال يا اللي من الضيفات نجى دخيله
أفرج لمن قلبه غدا فيه ولوال والنوم ما جا عينه الا قليله
لا من ذكرت ارموس عصر لنا … زال شوف الفياض وفقد عز القبيله
يا زين شدتهم آليا روح المال يتلون براق حقوق مخيله
يسقى خصيفا والثمان أرضها سال مرتع معطره السيوف الصقيله
عجمان لا ركبوا على كل شملال يفرح بهم راعى النياق الهزيله
من جو ساقان إلى السيف همال وينوش حسنا والرديفة هميله
ولا قادنا من يمه القفر خيال يصبح شديد البدو عجل رحيله
قاد السلف واستجنبوا كل مشوال والعصر يا محلا تخيبط نزيله
وإن شرف البادي على روس الأقذال والما كثر الزول زود جفيله
تلافحت ما بينا شهب الاذيال ومن ضيع المفتاح يا عزتى له
ركبوا على طوعاتهم كل عيال وكل لبلج يحرى بكسب النفيله
تغانموا المفزاع ذربين الافعال من قبل تسبق غارة تنثنى له
يبغون طوعه روسهن قبل الادمال وتغانموا خلف كثير هجيله
وحال الكمى من دون عطرات الاجهال ومروا ولحقوا مقحمين الدبيله
واللى تريض عقبهم يلبس الشال من صنع داود دروع ثقيله
يلزم عليهم علة عقب الانهال ومن غارته لزم يضيع دليله
والدم من قحص الرمك يثعل اثعال يزعج على وروك السبايا وشيله
هذى براعيها من المعرقه ماله وهذى شكلها مطرق ما تشيله
من وقع كل مجرب قدله افعال وفروخ صاد الحبارى فصيله
وليا ركبنا فوق عجلات الازوال وبايمنا حدب السيوف الصقيله
وما حن نحسب لا شتبك عج واكتال وترك صبى يفتنع بالفشيله
وصلاة ربي عد ما زايل زال على نبى الحق راعى الفضيله
زايديه
احسينيه صهيبيه زايديه وحامين من غير الجهام غروس
وبيوتهم تبنى على أعلى رفاعه ويجوبون علم الحف يوم ينوس
واهل غروسٍ في الفضا مابنى لها وكم عدلو من دونها من قوس
وهم دواء للداء لكمل الدواء لاضاق راعي الهوش بالمبوس
كم خايع في حيفه ربعوا به ورعيانهم ماسكسكوا للعوس
كن جمعهم مزن تعزل ربابه واهل سربه مركازها كردوس
يا زين جانبهم على اللي يزورهم وللجار ولاّ للحيف نجوس
واهل سفرة تنده في كل حزه وذباحةٍ للفاطر العنوس
اعد ماشفته وانا من قبيله محزمين القنازع فوق الروس
شجرة نسب قبائل يام العجمان المره
،نسب,قبائل,يام,مذكر,جشم,مواجد,ال فاطمة,ال مره,ال عجمان,علي عجيم,ال حيان,ال عرجا,ال وبير,ال مرزوق,ال حدجة,ال مسعود,ال نشوان,ال شامر,ال مصر,ال محفوظ, ال خويطر,ال صليبي,ال هتلان,ال مساوا,ال سليمان,ال علي,ال حبيش,ال معيض,ال هادي,ال لزيز,ال راشد,ال صالح,ال سبلة,ال ريمية,ال سفران,ال ناجعة
يام قبيلة العجمان
ليست هناك تعليقات:
إرسال تعليق